太快啦太快啦! 話咁快我就復工啦~ 番工時間bb要放喺婆婆屋企, 放工接番bb番屋企, 到第2朝番工前又將bb抱番去婆婆屋企, 預計會好累, 但好彩我地住得好近, 起碼唔駛舟車勞頓先.
之前呢2個月, 通常夜晚去完麻麻/婆婆屋企食完飯番屋企, 我都要餵奶同抱b氹佢瞓, 大約12點左右先可以做自己野, 沖得涼黎搞下呢樣搞下嗰樣就點幾兩點先瞓, 一晚大約瞓四五個鐘. 如果番工都係咁既節奏, 我真係會頂唔順, 希望bb乖d, 放落床唔好成日喊, 咁我就輕鬆好多!
後日就番工, 昨日去健康院上磅, oh no~ 重有成十斤肉喺身! 但我有bb前都已經肥左好多, 如果要keep番昔日的重量, 就要喊去十几斤肥豬肉先得! 不過餵人奶冇得減肥, 減左就會唔夠奶, 重要食多左好多野, 我而家有得身體自然瘦, 希望快d瘦番啦, d褲全部唔岩著, 我番工諗住著番條唔多覺係大肚褲的大肚西褲算啦, 費時買, 因已好難再買到岩我的size lu!!
目前最擔心係番工泵奶, 驚跟唔到個schedule去泵而影響奶量, 我的奶媽路比開頭順左好多, 雖然唔可以話係富奶媽, 但起碼都夠食做到全人奶, 繼續努力!!
